Dette er eit spel som er laga for å øve spesifikt på ein reknestrategi – dobling og halvering. Det er lagt til to nivå, A og B, der spel A er i talområde 0-20, medan spel B er i talområde 0-100.
Ein kan vere 1-4 spelarar. Kvar spelar har si spelbrikke som startar i ei av dei store, tomme «rutene». I midten av brettet saman med dyra legg ein ei bestemt mengde teljebrikker eller liknande (kanskje 12 eller 15 kan vere greie mengder å starte med). Første elev kastar ein eller to terningar (her bestemmer ein sjølv!) og flyttar spelbrikka si like mange felt i spelretninga. Spelaren løyser oppgåva han/ho har landa på. Dersom ein er einige om at løysinga er riktig får spelaren ta ei teljebrikke frå midten av brettet. Deretter er det neste spelar sin tur.
Spelet er over når alle brikkene frå midten av brettet er tatt. Då tel spelarane opp sine brikker og det er den som har flest brikker som har vunne spelet.
Klasseromsdekor i fargenyansane «lys regnboge». I denne fila finn du lappar med dei ulike faga og vanligste aktivitetane vi driv på med i skulen, i tillegg til både analog og digital klokke som kan nyttast saman med fagkortet til dei ulike øktene dine.
Skriv på klokkene med ein whiteboard-tusj slik du kan endre desse ved behov 🙂
Du finn alle korta med både små og store bokstavar.
Det eg likar aller best er arket med. «Ikkje i klasserommet? Du finn oss her: .»som er fin å henge opp ved døra i tilfelle nokon kjem seint, tilbake etter ein tannlegetime eller nokon andre leitar etter deg og klassa di 🙂
I dette opplegget skal elevane få øve seg på å sjå samanhengen mellom ulike framstillingar av klokka – med ord, analog og digital (både formiddag og ettermiddag). Ein kan sjølvsagt velgje ut kva for kort elevane skal få utdelt for å kunne tilpasse akkurat dei elevane ein har. Det er òg ein fin måte å sjå samanheng innad kvar framstilling òg (spesielt frå 1300 på digitalklokka som mange synast er vanskeleg).
BÅDE NYNORSK OG BOKMÅL!
Eg set stor pris på tilbakemelding (ris, ros og konstruktive tilbakemeldingar). Spesielt dersom du finn feil eller ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Eit superenkelt spel som kan nyttast både som enkeltståande aktivitet eller som ein aktivitet som ein del av stasjonsarbeid.
Gjennom å spele får elevane arbeidd med tiarvener og det einaste du treng er eit spelbrett til kvar spelar, 6 spelbrikker til kvar spelar og éin terning.
Elevane byt på å kaste terningen. Dei finn tiarvenen til talet som visast på terningen og legg brikka si på dette talet på spelbrettet. Dersom der allereie ligg ei brikke, får dei ikkje lagt ned noko. Spelaren som først har lagt ned alle sine brikker/fylt brettet sitt vinn spelet.
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Spelet «Senk skipa» er min versjon av spelet «Battleship». Her spelar ein to og to (ev. to par mot kvarandre) og ein skal prøve å senke skipa til dei andre. Før spelet kan starte må elevane markere i sitt koordinatsystem kva dei ulike skipa skal stå.
I pakken her får du to størrelsar:
– Både ditt eige og motstandaren sitt skip på same arket. (Kvar spelar treng 1 ark – litt mindre størrelse på koordinatsystemet)
– Ditt eige og motstandaren sitt skip på to ulike ark. (Kvar spelar treng 2 ark)
De finn 6 brett (i begge størrelsane) som har ferdige utfylte skip slik elevane kjappare kjem i gong.
Eg anbefalar å laminere den største størrelsen (der kvar spelar treng 2 ark) slik desse kan nyttast om att og om att. Ein kan då feste sine eigne skip på ei bok som står mellom spelarane t.d. medan ein har arket som dei skal bruke for å finne motstandarane sine skip på bordet framføre seg. Den mindre størrelsen kan vere fin dersom de veit at barna ikkje rekk å spele ferdig og de ønskjer at dei skal fortsetje ein annan dag. Då kan dei skrive namn på og setje i perm/leggje i skuffa si til neste gong.
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
I denne aktiviteten skal barna kjenne att talsymbola/-orda eller løyse reknestykka i biletet og deretter farge den aktuelle delen med fargen som samsvarar med koden øvst på arket. Altså, du les talordet «to». Du ser øvst på arket og finn ut kva for farge talordet «to» skal ha. Farg området.
Når barnet er ferdig har han/ho farga heile biletet. Ein kan, om ein ønskjer at barna skal «rette» seg sjølv, henge opp eit ferdig farga bilete som dei kan samanlikne med.
Tips!: Ikkje alle barn likar å farge. Kanskje kan desse få ein avtale om at dei berre treng å lage eit lite merke med riktig farge slik at ein kan sjå at dei har funne denne? Det er jo trass alt matematikken ein skal øve på her, ikkje fargedugleikane 🙂
NB!: Dette er ein gratisversjon med éit bilete. For å kjøpe heile pakken med 8 bilete kan du følgje linken her: Kodefarging – Påske – tallene 0-20
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Vi står selv på gulvet hver dag og vet hvor mye som hviler på skuldrene våre. Derfor har vi laget et verktøy som ikke krever tid å lære – men gir lavere skuldre fra første minutt. Vi tilbyr 30 dager gratis – helt uten forpliktelser.
Vi bruker informasjonskapsler for å sikre at vi gir deg den beste opplevelsen på nettstedet vårt. Hvis du fortsetter å bruke denne siden, vil vi anta at du er fornøyd med det.OkPersonvernregler
Vurderinger
Det finnes ingen vurderinger enda