Enkelt spel der elevane får øvd på enkle strategiar for addisjon med tal opp til 20. Spelet går kjapt å forstå og elevane kan få nye spelbrett som spelast på same måten utan at det krevst ekstra instruksjonar. 

2 elevar spelar mot kvarandre (ev. nyttar ein lag). Elevane vel kvar si side som er sitt mål. Altså, elev 1 har t.d. venstresida og elev 2 har høgresida. Plasser brikka på start-feltet. Elev 1 kastar terningen. Blir det 4, 5 eller 6 får ikkje eleven lov å gjere noko. Blir det derimot 1, 2 eller 3 får eleven flytte brikka tilsvarandre felt eine eller andre retninga (fornuftig å flytte mot sitt mål) og må løyse oppgåva som står i feltet. Svarar eleven feil eller ikkje får det til, blir brikka flytta til start (dette kan nyttast som ein strategi, men erfaringa mi er at elevane ikkje gjer det). Deretter er det neste elev sin tur å kaste. Slik blir brikka flytta fram og tilbake over brettet. Eleven som først får brikka til å nå sitt mål har vunne spelet. 

Anbefalar å ha fleire ulike brett liggande tilgjengeleg når de arbeidar med det, då elevane kan få meir tilpassing OG dersom nokon blir fort ferdige med sitt spel kan dei spele eit av dei andre bretta. 

I denne fila får du 11 spelbrett med følgjande strategiar:
Legg til 1, Legg til 2, Legg til 3, Legg til 1, 2 eller 3, Ukjend endring 1, 2 eller 3, Ukjend start 1, 2 eller 3, Tiervener, Tjuervener, Dobling og Dobling +/- 1.

BÅDE PÅ NYNORSK OG BOKMÅL!

Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂