Klasseromsdekor i fargenyansane «lys regnboge». I denne fila finn du det du treng til dag og dato både på bokmål, nynorsk og engelsk. Alt er både i små og store bokstavar slik du kan tilpasse det som passar deg og dine elevar.
Månadar: Her har eg òg laga ein versjon som har eit ope område under namnet på månaden slik ein kan skrive på bursdagane i klassa her. For det er vel fleire enn meg som ikkje har full kontroll og sjekkar lista som heng ein annan stad i klasserommet kvar dag?
Datoar: Øvst i fila finn du datoar med alle fargane. Då eg veit at fleire er flinke til å henge opp datoar i standard kalenderform for kvar månad så har eg laga ein versjon nedst med berre 7 fargar slik det blir ryddigare i ein slik kalender.
Samiske årstider: Eg synast det er viktig, men vanskeleg, å få prata om det samiske på ein naturleg måte gjennom året. Eg har derfor tatt med dei samiske årstidene her.
Datoane som står på er henta frå boka «Året i Sápmi» av Marit Mikkelsdatter Eira Murud og er sjølvsagt veldig omtrentlege då årstidene skiftar etter naturen der og då. For oss som ikkje har så mykje kunnskap om dette tenkjer eg desse datoane kan vere greie å ha så lenge ein pratar med elevane om kvifor desse datoane er omtrentlege.
Både nord-samisk og sør-samisk er med. Finn ut kva for eit av desse språka som passar best for deg og di klasse etter kva de høyrer til av område. Om du har elevar som høyrer til det nord-samiske området er det naturleg å nytte det nord-samiske språket, og motsett om elevane høyrer til det sør-samiske området.
5 Stjerner
4 Stjerner
3 Stjerner
2 Stjerner
1 Stjerner
Gjennomsnittlig rangering: 4.0 av 5
(1 Stemmer)
Liker du dette produktet? Vi setter stor pris på om du kan ta deg tid til å gi din vurdering.
1 review for Dag og dato – klasseromsdekor – regnbue
I dette opplegget får ein arbeidd med det å skrive forteljingar, skumle forteljingar. Temaet er perfekt rundt halloween, men sjølvsagt mogleg å arbeide med elles òg!
Elevane får trekkje stad, karakterar, problem og gjenstandar som skal vere med i forteljinga. På denne måten er ein ikkje avhengig av at alle elevane kjem med eigne idèar eller brukar lang tid på å tenkje kva dei skal skrive om. Det følg med 4 arbeidsark der ein får arbeidd meir med staden og karakterane i tillegg til oppbygging av forteljinga før skrivearbeidet startar.
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Dette er ei teikneoppgåve som passar både for store og små og den kan nyttast i fleire ulike samanhengar. Eg ser føre meg at dei kan nyttast som oppsummering av kalenderåret eller skuleåret, oppsummering av sommarferien, bli kjend-oppgåve med ny klasse, sjå på framtidsdraumar eller nyttårsforsett. Her er det igrunn berre fantastien som set grenser.
Arbeidsarket inneheld ein iPhone med ein tom «Instagram-profil» som skal fyllast ut. Øvst skal ein skrive namn, kallenamn, alder og interesser, eller noko anna om ein vel sidene med tomme linjer. Det er tre ulike versjonar av profilen, 4×3 tomme ruter, 3×3 tomme ruter med plass til å skrive eit ord under og 3×3 tomme ruter med ferdig utfylte ruter under. Benytt den som passar deg best!
Desse blir ekstra fine å henge opp i klasserommet om ein klipp dei ut og limar dei på litt kartong 🙂
Her er fleire ulike tallinjer, både lukka og open og i ulike talomårde. Der er òg ei som er heilt open slik at den kan tilpassast akkurat det reknestykket eleven arbeidar med.
Skriv ut og laminer og elevane kan nytte whiteboardtusjar til å skrive på og deretter viske ut. I lengda sparar det miljøet mykje samanlikna med å skulle teikne på tallinjer på ark kvar gong.
På siste side finn de ei tallinje til 100 som er delt opp i fire delar. Her er tanken at ein kan setje saman dei ulike delane for å få ei tallinje til anten 50, 75 eller 100 med einarane markert, for dei som treng det 🙂
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Det å ha ei eiga klokke ein kan snurre på og nytte i arbeidet med å lære seg klokka kan både vere motiverande og nyttig. I tillegg får barna moglegheita til å forstå meir om oppbygginga av klokka og 60-talssystemet medan dei lagar den.
Denne klokka blir stor og fin, og ein finn mykje informasjon på den. Du plasserar tala 1-12 på (som på ei vanleg klokke) i tillegg til at dei som ønskjer å skrive på 13-23 har moglegheit til det. Lappane som skrivast på gir informasjon om korleis ein seier kva klokka er når minuttvisaren peikar på dette talet og korleis dei to bakerste sifra på digitalklokka ville ha sett ut.
BÅDE NYNORSK OG BOKMÅL!
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
I denne aktiviteten skal elevane øve seg på å byggje tal opp av einarar, tiarar og hundrarar før ein subtraherar. Denne aktiviteten kan vere med å «byggje ei bru» frå leik og utforsking til standardalgoritma for subtraksjon. Ein får òg sett at ein posisjon blir «tom» når ein ikkje har fleire å trekkje frå. Då får ein øvd seg på veksling.
I denne pakken finn du berre talmatter med plass itl 3 siffer. Dersom du likevel ønskjer ei matte med berre plass til tiarar og einarar finn du denne i pakken «Tal på utvida form – trekk og bygg».
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
«Gjømme å leite» er det vi kallar «gjemsel» på mi dialekt. Og det er nettopp det denne oppgåva går ut på!
Set opp egga med bokstavar, tal eller høgfrekvente ord i ein «pocket chart» eller legg dei utover på eit bord/golvet. Nokon (gjerne elevar!) gøymer ein eller fleire av figurane BAK nokre egg utan at dei andre ser. Deretter kjem dei andre tilbake og må spørje den/dei som har gøymd figurane om det ligg bak bestemde egg. T.d. så kan eg spørje «Ligg den bak liten a?», «Ligg den bak 4?».
Ein kan gjere oppgåva vanskelegare ved å leggje til ein regel om at det ikkje er lov å seie bokstaven eller talet som står på lappen, men må spørje «Ligg det noko bak 2+4?» eller «Ligg det noko bak første lyden i SOL?»
Oppgåva kan både gjerast i full klasse, men passar òg godt på stasjonar når elevane veit korleis oppgåva fungerar!
BÅDE PÅ NYNORSK, BOKMÅL OG ENGELSK!
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Vi står selv på gulvet hver dag og vet hvor mye som hviler på skuldrene våre. Derfor har vi laget et verktøy som ikke krever tid å lære – men gir lavere skuldre fra første minutt. Vi tilbyr 30 dager gratis – helt uten forpliktelser.
Vi bruker informasjonskapsler for å sikre at vi gir deg den beste opplevelsen på nettstedet vårt. Hvis du fortsetter å bruke denne siden, vil vi anta at du er fornøyd med det.OkPersonvernregler
Gro –