I dette opplegget skal elevane representere talet som er skrive på den aktuelle togvogna. Dette kan gjerast på ulike måtar, alt etter kvar elevane er i utviklinga og kva de har arbeidd med i klasserommet: gjenstandar (blyantar, steiner, brikker osb.), med prikkar eller tala på terningar, teljestrekar, tierbrett (ligg vedlagt), cuisenaire/Noomer, pengar, tallinje, Base 10 og heilt sikkert fleire måtar!
Fin aktivitet til stasjonsarbeid der elevane kan samarbeide om dei er usikre! For å tilpasse dei ulike elevane/gruppene kan ein nytte vognene i svart/kvitt og skrive ut på farga ark der ein tek med dei vognene ein ønskjer til dei ulike nivåa. Dette er fint når nokre arbeidar med tala 1-10, medan andre er klar for 1-20 t.d.
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
– ordne tal, mengder og former ut frå eigenskapar, samanlikne dei og reflektere over om dei kan ordnast på fleire måtar (2. trinn)
– utforske tal, mengder og teljing i leik, natur, biletkunst, musikk og barnelitteratur, representere tala på ulike måtar og omsetje mellom dei ulike representasjonane (2. trinn)
– eksperimentere med teljing både framlengs og baklengs, velje ulike startpunkt og ulik differanse og beskrive mønster i teljingane (2. trinn)
– beskrive posisjonssystemet ved hjelp av ulike representasjonar (2. trinn)
– plassere tal på tallinja og bruke tallinja i rekning og problemløysing (2. trinn)
5 Stjerner
4 Stjerner
3 Stjerner
2 Stjerner
1 Stjerner
Gjennomsnittlig rangering: 0.0 av 5
(0 Stemmer)
Liker du dette produktet? Vi setter stor pris på om du kan ta deg tid til å gi din vurdering.
Vurderinger
Det finnes ingen vurderinger enda
Bli den første til å vurdere “Togsettet (jul) – tallmengder – NN og BM” Avbryt svar
«Gjømme å leite» er det vi kallar «gjemsel» på mi dialekt. Og det er nettopp det denne oppgåva går ut på!
Set opp egga med bokstavar, tal eller høgfrekvente ord i ein «pocket chart» eller legg dei utover på eit bord/golvet. Nokon (gjerne elevar!) gøymer ein eller fleire av figurane BAK nokre egg utan at dei andre ser. Deretter kjem dei andre tilbake og må spørje den/dei som har gøymd figurane om det ligg bak bestemde egg. T.d. så kan eg spørje «Ligg den bak liten a?», «Ligg den bak 4?».
Ein kan gjere oppgåva vanskelegare ved å leggje til ein regel om at det ikkje er lov å seie bokstaven eller talet som står på lappen, men må spørje «Ligg det noko bak 2+4?» eller «Ligg det noko bak første lyden i SOL?»
Oppgåva kan både gjerast i full klasse, men passar òg godt på stasjonar når elevane veit korleis oppgåva fungerar!
BÅDE PÅ NYNORSK, BOKMÅL OG ENGELSK!
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Dette er ei samling med terningspel eg har samla opp gjennom som øver på dei fire rekneartane. Fila kjem til å bli oppdatert etterkvart som eg kjem borti og lærer meg nye spel. Send meg gjerne ei melding om du kan eit spel som ikkje er med her 🙂 Sjå på oversikta over spel i bileta her – det er færrast spel til divisjon.
Set korta på ein ring eller legg dei i ei boks og ha det lett tilgjengeleg. Bruk spela som ein stasjon, anten der du har bestemd spel på førehand eller elevane får trekkje sjølv. Ein kan òg nytte dette som ein fellesaktivitet i klasserommet der alle elevane skal spele anten det same spelet eller ulike spel samstundes. Alle spela har informasjon om «spelets slutt» der ein både kjem seg i mål og der tida er ute, slik det skal passe til ulike situasjonar.
I tillegg til instuksjonskortet og ulike terningar treng elevane noko å skrive på og med, hundrerrute, multiplikasjonstabell og brikker (ingen bestemd type). Til eit par spel kan det òg vere nyttig med eit skjema, men dette er ikkje nødvendig dersom barna klarar å lage same oversikta på eit ark sjølv 🙂
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
I regn rommet heng ein opp oppgåvekorta rundt om i rommet, ev. ute dersom vêret tillet det eller ein likar å vere ute uansett vêr, og elevane går rundt med eit notatark. På kvart oppgåvekort er det bilete av ein gjenstand saman med oppgåva, gjenstanden viser til kvar på notatarket dei skal skrive løysinga på oppgåva. Er det bilete av ein bil på oppgåvekortet skal dei skrive løysinga si ved sida av bilen på notatarket.
Det finnast tre ulike fargeversjonar på korta, alt etter kor mykje farge ein likar eller kommunen tillet at ein nyttar 🙂
Aktiviteten kan fint nyttast som ein aktiv stasjon i stasjonsundervisninga, men kan òg nyttast som ein sjølvstendig aktivitet.
BÅDE PÅ NYNORSK OG BOKMÅL!
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
På desse arbeidsarka skal barna, etter tilpasse nivå, øve seg på å fylle inn i analog og digital klokke etter gitte klokkeslett i tillegg til å tenkje igjennom kva dei gjer til dette tidspunktet på ein heilt vanleg dag.
BÅDE NYNORSK OG BOKMÅL!
Eg set stor pris på tilbakemelding (ris, ros og konstruktive tilbakemeldingar). Spesielt dersom du finn feil eller ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Korta her handlar om talrekkjer og teljing med 10 og 100 om gongen. De finn to ulike nivå. Nivå 1 har 0 på einarplassen i alle tal. Nivå 2 har einarar. Skriv gjerne ut dei ulike arka i kvar sine fargar for å skilje korta frå kvarandre.
Ein kan nytte korta på ulike måtar:
Elevane kan samarbeide om å leggje alle korta frå same arket i rekkje.
Elenane kan trekkje tre kort frå ein haug med alle korta frå same arket og leggje dei i rekkje.
Elevane kan trekkje to kort frå ein haug med alle korta frå same arket og deretter skrive tala i mellom i tillegg til to tal i kvar ende.
Elevane kan trekkje eit kort og starta å telje med 10 eller 100 frå det aktuelle talet.
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Vi står selv på gulvet hver dag og vet hvor mye som hviler på skuldrene våre. Derfor har vi laget et verktøy som ikke krever tid å lære – men gir lavere skuldre fra første minutt. Vi tilbyr 30 dager gratis – helt uten forpliktelser.
Vi bruker informasjonskapsler for å sikre at vi gir deg den beste opplevelsen på nettstedet vårt. Hvis du fortsetter å bruke denne siden, vil vi anta at du er fornøyd med det.
Vurderinger
Det finnes ingen vurderinger enda