Dette er eit spel som er laga for å øve spesifikt på ein reknestrategi – telje vidare. Det er lagt til to nivå, A og B, der spel A er i talområde 0-20, medan spel B er i talområde 0-100.
Ein kan vere 1-4 spelarar. Kvar spelar har si spelbrikke som startar i ei av dei store, tomme «rutene». I midten av brettet saman med dyra legg ein ei bestemt mengde teljebrikker eller liknande (kanskje 12 eller 15 kan vere greie mengder å starte med). Første elev kastar ein eller to terningar (her bestemmer ein sjølv!) og flyttar spelbrikka si like mange felt i spelretninga. Spelaren løyser oppgåva han/ho har landa på. Dersom ein er einige om at løysinga er riktig får spelaren ta ei teljebrikke frå midten av brettet. Deretter er det neste spelar sin tur.
Spelet er over når alle brikkene frå midten av brettet er tatt. Då tel spelarane opp sine brikker og det er den som har flest brikker som har vunne spelet.
Som vaksen så ser vi at det fort kan bli relativt likt, men det er kanskje berre fint?
Klasseromsdekor i fargenyansane «lys regnboge». I denne fila finn du lappar med dei ulike faga og vanligste aktivitetane vi driv på med i skulen, i tillegg til både analog og digital klokke som kan nyttast saman med fagkortet til dei ulike øktene dine.
Skriv på klokkene med ein whiteboard-tusj slik du kan endre desse ved behov 🙂
Du finn alle korta med både små og store bokstavar.
Det eg likar aller best er arket med. «Ikkje i klasserommet? Du finn oss her: .»som er fin å henge opp ved døra i tilfelle nokon kjem seint, tilbake etter ein tannlegetime eller nokon andre leitar etter deg og klassa di 🙂
Dette er ein sjølvdreven aktivitet der elevane får øvd seg på å skrive tala 0-20 riktig. Eleven finn fram opp til seks fargar og bestemmer kva for tal som skal gi kva for farge ved å farge blyanten ved sida av det aktuelle talet. Deretter trillar eleven terningen for å bestemme kva for farge som skal nyttast for å skrive det neste talet på arket.
Ein kan òg bestemme at eleven skal spore det store talet med alle fargane dei har plukka ut før/etter dei andre tala.
Super aktivitet til bruk på stasjonar!
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Her er fem bingospel i talområdet 0-10 med fem ulike representasjonar. Elevane skal trekkje eit talkort og deretter sjå om dei har talet på brettet sitt. Dersom dei har det får dei leggje ei brikke oppå det akutuelle talet. Ein kan bestemme om det berre er spelaren som trekk kortet eller om det er alle som får leggje ei brikke på sitt tal. Det er om å gjere å få fylt brettet sitt først.
Båtbingo: Symbol – prikkar
Cookiebingo: Symbol – fingrar
Ananasbingo: Symbol – teljestrekar
Klubbebingo: Symbol – terningar
Orangebingo: Symbol – tiarramme
«Klubbe» er mitt dialektord for «kjærlighet på pinne» 🙂
FUNGERAR BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
I denne aktiviteten får elevane øvd på å sjå to- og tresifra tal både i utvida form og i standardform.
Aktiviteten gjennomførast ved at elevane først trekk/«flippar» ein hundrar, ein tiar og ein einar. Dette legg grunnlaget for arbeidet vidare. Her har eg to alternativ, anten at eleven skal teikne det dei fekk på korta eller at dei slepp det og går rett vidare. Vidare skal elevane skrive verdien til kvart av korta. Fekk dei til dømes 3 hundrarar, 0 tiarar og 7 einrar skriv dei under: 300 + 0 + 7. Vidare skal dei skrive talet på standardform, 307, og med tekst, tre hundre og sju.
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
I denne aktiviteten skal barna kjenne att bokstavane og deretter farge den aktuelle delen etter fargekorden øvst på arket.
Når barnet er ferdig har han/ho farga heile biletet. Ein kan, om ein ønskjer at barna skal «rette» seg sjølv, henge opp eit ferdig farga bilete som dei kan samanlikne med.
Tips!: Ikkje alle barn likar å farge. Kanskje kan desse få ein avtale om at dei berre treng å lage eit lite merke med riktig farge slik at ein kan sjå at dei har funne denne? Det er jo trass alt bokstavane ein skal øve på her, ikkje fargedugleikane 🙂
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
I dette «spelet» skal elevane øve seg på å kjenne att mengder.
Tala 1-10 har fått kvar sitt brett. På brettet med talet 2 skal elevane leggje ei brikke på alle representasjonane som viser mengda til 2. Mengdene blir vist med symbol, tierramme, terning, fingrar, terning, prikkar og teljestrekar.
Aktiviteten kan vere fin å nytte på stasjonar og vil kunne vere sjølvgåande etter introduksjon.
FUNGERAR BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Vi bruker informasjonskapsler for å sikre at vi gir deg den beste opplevelsen på nettstedet vårt. Hvis du fortsetter å bruke denne siden, vil vi anta at du er fornøyd med det.OkPersonvernregler
Vurderinger
Det finnes ingen vurderinger enda