Desse oppgåvekorta skal hjelpe elevane med å få ei forståing for tala si plassering på tallinja. Eg ønskjer at elevane skal kunne bruke både lukka og opne tallinjer, og ein vil derfor finne oppgåvekort til begge deler her. Elevane kan anten arbeide individuelt eller i par. Det følg med eit svarark og ein fasit slik elevane kan sjekke seg sjølv. På korta med opne tallinjer er det gitt fire alternativ til elevane der éitt er riktig.
Oppgåvekorta er delt opp i ulike sett slik at det enkelt kan tilpassast elevane. Det er laga 24 oppgåvekort til kvart sett slik at ein kan nytte eit lykkehjul med 24 sektorar til oppgåvekorta.
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
– ordne tal, mengder og former ut frå eigenskapar, samanlikne dei og reflektere over om dei kan ordnast på fleire måtar (2. trinn)
– utforske tal, mengder og teljing i leik, natur, biletkunst, musikk og barnelitteratur, representere tala på ulike måtar og omsetje mellom dei ulike representasjonane. (2. trinn)
– eksperimentere med teljing både framlengs og baklengs, velje ulike startpunkt og ulik differanse og beskrive mønster i teljingane. (2. trinn)
– plassere tal på tallinja og bruke tallinja i rekning og problemløysing. (2. trinn)
5 Stjerner
4 Stjerner
3 Stjerner
2 Stjerner
1 Stjerner
Gjennomsnittlig rangering: 0.0 av 5
(0 Stemmer)
Liker du dette produktet? Vi setter stor pris på om du kan ta deg tid til å gi din vurdering.
Vurderinger
Det finnes ingen vurderinger enda
Bli den første til å vurdere “Oppgavekort – Plassere tall på tallinje NN og BM” Avbryt svar
Korta her handlar om talrekkjer og teljing med 10 og 100 om gongen. De finn to ulike nivå. Nivå 1 har 0 på einarplassen i alle tal. Nivå 2 har einarar. Skriv gjerne ut dei ulike arka i kvar sine fargar for å skilje korta frå kvarandre.
Ein kan nytte korta på ulike måtar:
Elevane kan samarbeide om å leggje alle korta frå same arket i rekkje.
Elenane kan trekkje tre kort frå ein haug med alle korta frå same arket og leggje dei i rekkje.
Elevane kan trekkje to kort frå ein haug med alle korta frå same arket og deretter skrive tala i mellom i tillegg til to tal i kvar ende.
Elevane kan trekkje eit kort og starta å telje med 10 eller 100 frå det aktuelle talet.
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
«Gjømme å leite» er det vi kallar «gjemsel» på mi dialekt. Og det er nettopp det denne oppgåva går ut på!
Set opp egga med bokstavar, tal eller høgfrekvente ord i ein «pocket chart» eller legg dei utover på eit bord/golvet. Nokon (gjerne elevar!) gøymer ein eller fleire av figurane BAK nokre egg utan at dei andre ser. Deretter kjem dei andre tilbake og må spørje den/dei som har gøymd figurane om det ligg bak bestemde egg. T.d. så kan eg spørje «Ligg den bak liten a?», «Ligg den bak 4?».
Ein kan gjere oppgåva vanskelegare ved å leggje til ein regel om at det ikkje er lov å seie bokstaven eller talet som står på lappen, men må spørje «Ligg det noko bak 2+4?» eller «Ligg det noko bak første lyden i SOL?»
Oppgåva kan både gjerast i full klasse, men passar òg godt på stasjonar når elevane veit korleis oppgåva fungerar!
BÅDE PÅ NYNORSK, BOKMÅL OG ENGELSK!
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Dette er eit spel som er laga for å øve spesifikt på ein reknestrategi – telje vidare. Det er lagt til to nivå, A og B, der spel A er i talområde 0-20, medan spel B er i talområde 0-100.
Ein kan vere 1-4 spelarar. Kvar spelar har si spelbrikke som startar i ei av dei store, tomme «rutene». I midten av brettet saman med dyra legg ein ei bestemt mengde teljebrikker eller liknande (kanskje 12 eller 15 kan vere greie mengder å starte med). Første elev kastar ein eller to terningar (her bestemmer ein sjølv!) og flyttar spelbrikka si like mange felt i spelretninga. Spelaren løyser oppgåva han/ho har landa på. Dersom ein er einige om at løysinga er riktig får spelaren ta ei teljebrikke frå midten av brettet. Deretter er det neste spelar sin tur.
Spelet er over når alle brikkene frå midten av brettet er tatt. Då tel spelarane opp sine brikker og det er den som har flest brikker som har vunne spelet.
Som vaksen så ser vi at det fort kan bli relativt likt, men det er kanskje berre fint?
I dette opplegget skal elevane få øve seg på å vurdere kor lang tid ulike aktivitetar vil ta, både kvardagsaktivitetar og aktivitetar vi driv med litt sjeldnare.
BÅDE NYNORSK OG BOKMÅL!
Eg set stor pris på tilbakemelding (ris, ros og konstruktive tilbakemeldingar). Spesielt dersom du finn feil eller ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
I denne halloween-bingoen får elevane arbeidd med det å kople ulike representasjonar for mengder i talområdet 0-10. Det er laga seks ulike bingo-brett og du finn dei både med og utan fage. Nytt det som passar deg best 🙂
7 ulike representasjonar!
Elevane skal trekkje eit og eit kort som viser ei talmengde ved hjelp av ein representasjon (talstmbol, terning, tierramme, Bjørnar, base10, teljestrekar, talord). Eleven som trekk kortet får dekkje tilsvarande rute på brettet sitt med ei brikke. Du kan ev. bestemme at alle elvane som er med på spelet får dekke si rute. Kortet som har blitt trekt leggast tilbake i trekkbunken (ikkje nødvendig om ALLE får markere si rute) og spelet går vidare. Om eleven trekk eit gresskar vil dei kunne velgje kva for gresskar dei skal dekkje.
Vinnaren av spelet er den spelaren som har fylt flest rader (nedover) når tida for å spele er brukt opp, eller ev. får fylt alle rutene sine først.
FUNGERAR BÅDE PÅ BOKMÅL OG NYNORSK!
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Spelet «Senk skipa» er min versjon av spelet «Battleship». Her spelar ein to og to (ev. to par mot kvarandre) og ein skal prøve å senke skipa til dei andre. Før spelet kan starte må elevane markere i sitt koordinatsystem kva dei ulike skipa skal stå.
I pakken her får du to størrelsar:
– Både ditt eige og motstandaren sitt skip på same arket. (Kvar spelar treng 1 ark – litt mindre størrelse på koordinatsystemet)
– Ditt eige og motstandaren sitt skip på to ulike ark. (Kvar spelar treng 2 ark)
De finn 6 brett (i begge størrelsane) som har ferdige utfylte skip slik elevane kjappare kjem i gong.
Eg anbefalar å laminere den største størrelsen (der kvar spelar treng 2 ark) slik desse kan nyttast om att og om att. Ein kan då feste sine eigne skip på ei bok som står mellom spelarane t.d. medan ein har arket som dei skal bruke for å finne motstandarane sine skip på bordet framføre seg. Den mindre størrelsen kan vere fin dersom de veit at barna ikkje rekk å spele ferdig og de ønskjer at dei skal fortsetje ein annan dag. Då kan dei skrive namn på og setje i perm/leggje i skuffa si til neste gong.
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Vi står selv på gulvet hver dag og vet hvor mye som hviler på skuldrene våre. Derfor har vi laget et verktøy som ikke krever tid å lære – men gir lavere skuldre fra første minutt. Vi tilbyr 30 dager gratis – helt uten forpliktelser.
Vi bruker informasjonskapsler for å sikre at vi gir deg den beste opplevelsen på nettstedet vårt. Hvis du fortsetter å bruke denne siden, vil vi anta at du er fornøyd med det.OkPersonvernregler
Vurderinger
Det finnes ingen vurderinger enda