Desse oppgåvekorta skal hjelpe elevane med å få ei forståing for tala si plassering på tallinja. Eg ønskjer at elevane skal kunne bruke både lukka og opne tallinjer, og ein vil derfor finne oppgåvekort til begge deler her. Elevane kan anten arbeide individuelt eller i par. Det følg med eit svarark og ein fasit slik elevane kan sjekke seg sjølv. På korta med opne tallinjer er det gitt fire alternativ til elevane der éitt er riktig.
Oppgåvekorta er delt opp i ulike sett slik at det enkelt kan tilpassast elevane. Det er laga 24 oppgåvekort til kvart sett slik at ein kan nytte eit lykkehjul med 24 sektorar til oppgåvekorta.
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
– ordne tal, mengder og former ut frå eigenskapar, samanlikne dei og reflektere over om dei kan ordnast på fleire måtar (2. trinn)
– utforske tal, mengder og teljing i leik, natur, biletkunst, musikk og barnelitteratur, representere tala på ulike måtar og omsetje mellom dei ulike representasjonane. (2. trinn)
– eksperimentere med teljing både framlengs og baklengs, velje ulike startpunkt og ulik differanse og beskrive mønster i teljingane. (2. trinn)
– plassere tal på tallinja og bruke tallinja i rekning og problemløysing. (2. trinn)
5 Stjerner
4 Stjerner
3 Stjerner
2 Stjerner
1 Stjerner
Gjennomsnittlig rangering: 0.0 av 5
(0 Stemmer)
Liker du dette produktet? Vi setter stor pris på om du kan ta deg tid til å gi din vurdering.
Vurderinger
Det finnes ingen vurderinger enda
Bli den første til å vurdere “Oppgavekort – Plassere tall på tallinje NN og BM” Avbryt svar
I dette opplegget får elevane øve seg på å summere pengar. Ein kan òg nytte korta til å øve på å kjenne att myntar/lappane våre.
I opplegget finn ein 36 sparegrisar som alle har kvar sin sum på kor mykje som er oppi sparegrisen. Til kvar sparegris finn ein tre kort som viser tilsvarandre sum, vist på tre ulike måtar. BÅDE FARGE OG SVART/KVITT!
Aktiviteten passar fint på ein stasjon etter at ein har arbeidd litt med myntane/lappepengane våre først. Om ein tillett litt småprat på stasjonane så er det enkelt for elevane å samarbeide og hjelpe kvarandre. Då kan dei som ev. treng meir støtte på verdien til kvart mynt/lapp få hjelp av medelevane sine.
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
I denne fila finn du 6-7 kort per talmengde representert ved talord, talsymbol, teljestrekar,terning, mengde, fingrar og tiarramme. Du finn både ein versjon med farge og ein versjon i svart/kvitt.
Korta kan nyttast på fleire vis! Det kan vere sorteringskort på ein stasjon – legg alle korta med same mengde samla. Dei kan nyttast for å karlegge elevane rundt teljing, mengdeforståing, kopling av representasjonar og tal. Dei kan òg nyttast for å arbeide med «subitizing» (det å kjenne att ei talmengde du berre får sett kort). Du kan plukke ut ein representasjon frå kvar mengde og få elevane til å leggje korta i rekkjefølgje frå lågast til høgst. Nytt dei til å trekkje eit tal for å fortsetje talfølgja eller for å finne éin meir eller éin mindre. Moglegheitene er mange 🙂
FUNGERAR BÅDE PÅ NYNORSK OG BOKMÅL!
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
I dette opplegget finn du mangeulike spelbrett for «finn vegen» med øving på multiplikasjonstabellane. Her er brett med øving på ein og ein tabell, i tillegg til brett der ein øver på dei tabellane som ein gjerne arbeidar med litt samstundes (0, 1 og 2, 2, 5 og 10, 3 og 4, 6 og 7, 8 og 9).
Det finnast fleire brett med same tabellen for å kunne motivere barna for endå meir øving. Alle bretta (òg om det finnast fleire med same tabell) har ulike figurar på seg slik det skal vere greit å skilje dei frå kvarandre. Eg vil i tillegg tipse om å skrive ut på ulike fargar etter nivå. Då kan elevane enkelt sjå kva for brett dei skal arbeide med.
Slik fungerar spelet: Elevane spelar individuelt, ev. I par som er på lag. Bruk ein binders og spissen på ein blyant til å spinne spinnaren. Løys reknestykket (finn produktet) og finn ei rute med tilsvarande tal. Legg ei brikke der. Målet er å lage ein veg/sti frå øvst venstre til nedst høgre representert med ulike figurar. Ein kan gå vassrett og loddrett, men ikkje på skrå.
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Dette er eit spel som er laga for å øve spesifikt på ein reknestrategi – dobling og halvering, telje vidare og tallinje.
Ein kan vere 1-4 spelarar. Kvar spelar har si spelbrikke som startar i ei av dei store, tomme «rutene». I midten av brettet saman med dyra legg ein ei bestemt mengde teljebrikker eller liknande (kanskje 12 eller 15 kan vere greie mengder å starte med). Første elev kastar ein eller to terningar (her bestemmer ein sjølv!) og flyttar spelbrikka si like mange felt i spelretninga. Spelaren løyser oppgåva han/ho har landa på. Dersom ein er einige om at løysinga er riktig får spelaren ta ei teljebrikke frå midten av brettet. Deretter er det neste spelar sin tur.
Spelet er over når alle brikkene frå midten av brettet er tatt. Då tel spelarane opp sine brikker og det er den som har flest brikker som har vunne spelet.
Som vaksen så ser vi at det fort kan bli relativt likt, men det er kanskje berre fint?
I dette spelet skal elevane øve seg på å veksle pengar oppover. Altså, at dei får meir og meir.
Spelet er enkelt og lett å lære seg. Elevane kan nytte dette på stasjonar når ein har arbeidd litt med veksling slik at i alle fall nokre på gruppa har kontroll og ev. kan hjelpe medelevane sine. Spelet gir mest øving når det blir spelt i par, men det er mogleg å spele 3 eller 4 òg.
Ein kan bestemme kor mange terningar elevane skal nytte når dei spelar. Eg nyttar gjerne to eller tre. Då går spelet litt fortare, men dei får òg øving i å leggje saman summen på terningane.
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Dette er ei teikneoppgåve som passar både for store og små og den kan nyttast i fleire ulike samanhengar. Eg ser føre meg at dei kan nyttast som oppsummering av kalenderåret eller skuleåret, oppsummering av sommarferien, bli kjend-oppgåve med ny klasse, sjå på framtidsdraumar eller nyttårsforsett. Her er det igrunn berre fantastien som set grenser.
Arbeidsarket inneheld ein iPhone med ein tom «Instagram-profil» som skal fyllast ut. Øvst skal ein skrive namn, kallenamn, alder og interesser, eller noko anna om ein vel sidene med tomme linjer. Det er tre ulike versjonar av profilen, 4×3 tomme ruter, 3×3 tomme ruter med plass til å skrive eit ord under og 3×3 tomme ruter med ferdig utfylte ruter under. Benytt den som passar deg best!
Desse blir ekstra fine å henge opp i klasserommet om ein klipp dei ut og limar dei på litt kartong 🙂
Vi står selv på gulvet hver dag og vet hvor mye som hviler på skuldrene våre. Derfor har vi laget et verktøy som ikke krever tid å lære – men gir lavere skuldre fra første minutt. Vi tilbyr 30 dager gratis – helt uten forpliktelser.
Vi bruker informasjonskapsler for å sikre at vi gir deg den beste opplevelsen på nettstedet vårt. Hvis du fortsetter å bruke denne siden, vil vi anta at du er fornøyd med det.OkPersonvernregler
Vurderinger
Det finnes ingen vurderinger enda