Vinter? Øve på tala til 50 og/eller alfabetet? Perfekt!
I denne pakken finn de både tal- og bokstavkort med snømanntema. Det er òg lagt ved ordentstal til 31. dersom nokon ønskjer å nytte dei i kalenderen sin. Alle korta er både i farge og i svart/kvitt.
Korta kan nyttast på ulike måtar. Ein kan sortere dei i rekkjefølgje (treng ikkje anna enn korta) eller ein kan nytte aktivitetane «finn dei manglande tala/bokstavane i rekkja» og «trekk eit tal/bokstav og skriv dei neste i følgja/dei som kjem før og etter» som ein finn fysiske kort til her. Ark med øving på bokstav- og talforming finn de òg. Alle desse aktivitetane er sjølvdrevne og derfor fin å kunne ha på stasjonar.Det finnast sikkert mange fleire måtar å nytte materiellet her på– her er det berre å vere kreativ!
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Pultlappar/støttelappar, alfabetet, tal til 20 og tal til 50.
Talkort
Bokstavkort
Kort med ordentstal
Finn det/dei manglande tala i rekkja 0-10, 10-20 og 20-50. I tilegg er det oppgåver med å finne det/dei manglande tala i rekkja 0-50 der ein tel med 2, 5 og 10 om gongen.
Finn den/dei manglande bokstavane i rekkja.
Trekk eit tal og skriv dei neste i følgja (NN og BM)
Trekk ein bokstav og skriv dei neste i følgja (NN og BM)
Trekk eit tal og skriv tala før og etter (NN og BM)
Trekk ein bokstav og skriv bokstavane før og etter (NN og BM)
Bokstavforming – NB! Tomme linjer: her kan barna velgje sjølv eller trekkje frå bokstavkorta (NN og BM). Berre i svart/kvitt.
Talforming – NB! Tomme linjer: her kan barna velgje sjølv eller trekkje frå talkorta. Berre i svart/kvitt.
Kompetansemål:
– bruke store og små bokstaver, punktum, spørsmålstegn og utropstegn i tekster og samtale om egne og andres tekster (norsk, 2. trinn)
– utforske tal, mengder og teljing i leik, natur, biletkunst, musikk og barnelitteratur, representere tala på ulike måtar og omsetje mellom dei ulike representasjonane (matematikk, 2. trinn)
– eksperimentere med teljing både framlengs og baklengs, velje ulike startpunkt og ulik differanse og beskrive mønster i teljingane (matematikk, 2. trinn)
– plassere tal på tallinja og bruke tallinja i rekning og problemløysing (matematikk, 2. trinn)
– kjenne att og beskrive repeterande einingar i mønster og lage eigne mønster (matematikk, 2. trinn)
– lytte til og utforske det engelske alfabetet og uttalemønstre i lek- og sangaktiviteter (engelsk, 2. trinn)
5 Stjerner
4 Stjerner
3 Stjerner
2 Stjerner
1 Stjerner
Gjennomsnittlig rangering: 0.0 av 5
(0 Stemmer)
Liker du dette produktet? Vi setter stor pris på om du kan ta deg tid til å gi din vurdering.
Vurderinger
Det finnes ingen vurderinger enda
Bli den første til å vurdere “Vintertal og -bokstavar – Arbeid med alfabetet og tala til 50 – Snømanntema” Avbryt svar
I dette opplegget får elevane arbeidd med rutenett. Her er to arbeidsark.
Det første arket er eit reint utstyllingsark der elevane skal finne ut kva som er i rutene etter gitte «koordinatar» (heiter det det når vi pratar om rutenett?) og finne «koordinatane» til gitte objekt.
Det andre arket er laga for at elevane skal lage sitt eige kart og plassere ut eigne objekt. Sei gjerne at dei skal skrive fasiten på oppgåvene i eiga skrivebok slik at karta deira kan bli nytta som oppgåver til andre. Laminer og saml dei i ei boks som elevane har tilgjengeleg. Superkjekt å gjere oppgåver som andre i klassa har laga!
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
I denne aktiviteten skal elevane øve seg på å byggje tal opp av einarar, tiarar og hundrarar før ein adderar. Denne aktiviteten kan vere med å «byggje ei bru» frå leik og utforsking til standardalgoritma for subtraksjon. Ein får òg sett at ein posisjon blir «full» når ein får ti eller fleire. Då får ein øvd seg på veksling.
I denne pakken finn du berre talmatter med plass itl 3 siffer. Dette fordi du skal sleppe å dobbeltsjekke alle reknestykka med to siffer for løysingar på over 100. Dersom du likevel ønskjer ei matte med berre plass til tiarar og einarar finn du denne i pakken «Tal på utvida form – trekk og bygg».
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
I dette spelet skal elevane øve seg på å veksle pengar oppover. Altså, at dei får meir og meir.
Spelet er enkelt og lett å lære seg. Elevane kan nytte dette på stasjonar når ein har arbeidd litt med veksling slik at i alle fall nokre på gruppa har kontroll og ev. kan hjelpe medelevane sine. Spelet gir mest øving når det blir spelt i par, men det er mogleg å spele 3 eller 4 òg.
Ein kan bestemme kor mange terningar elevane skal nytte når dei spelar. Eg nyttar gjerne to eller tre. Då går spelet litt fortare, men dei får òg øving i å leggje saman summen på terningane.
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Dette er eit spel som er laga for å øve spesifikt på ein reknestrategi – dobling og halvering. Det er lagt til to nivå, A og B, der spel A er i talområde 0-20, medan spel B er i talområde 0-100.
Ein kan vere 1-4 spelarar. Kvar spelar har si spelbrikke som startar i ei av dei store, tomme «rutene». I midten av brettet saman med dyra legg ein ei bestemt mengde teljebrikker eller liknande (kanskje 12 eller 15 kan vere greie mengder å starte med). Første elev kastar ein eller to terningar (her bestemmer ein sjølv!) og flyttar spelbrikka si like mange felt i spelretninga. Spelaren løyser oppgåva han/ho har landa på. Dersom ein er einige om at løysinga er riktig får spelaren ta ei teljebrikke frå midten av brettet. Deretter er det neste spelar sin tur.
Spelet er over når alle brikkene frå midten av brettet er tatt. Då tel spelarane opp sine brikker og det er den som har flest brikker som har vunne spelet.
Dette er ei samling med terningspel eg har samla opp gjennom som øver på dei fire rekneartane. Fila kjem til å bli oppdatert etterkvart som eg kjem borti og lærer meg nye spel. Send meg gjerne ei melding om du kan eit spel som ikkje er med her 🙂 Sjå på oversikta over spel i bileta her – det er færrast spel til divisjon.
Set korta på ein ring eller legg dei i ei boks og ha det lett tilgjengeleg. Bruk spela som ein stasjon, anten der du har bestemd spel på førehand eller elevane får trekkje sjølv. Ein kan òg nytte dette som ein fellesaktivitet i klasserommet der alle elevane skal spele anten det same spelet eller ulike spel samstundes. Alle spela har informasjon om «spelets slutt» der ein både kjem seg i mål og der tida er ute, slik det skal passe til ulike situasjonar.
I tillegg til instuksjonskortet og ulike terningar treng elevane noko å skrive på og med, hundrerrute, multiplikasjonstabell og brikker (ingen bestemd type). Til eit par spel kan det òg vere nyttig med eit skjema, men dette er ikkje nødvendig dersom barna klarar å lage same oversikta på eit ark sjølv 🙂
BÅDE PÅ BOKMÅL OG NYNORSK!
Eg set stor pris på tilbakemelding (ris, ros og konstruktive tilbakemeldingar) spesielt dersom du finn noko feil eller du ser ting som kunna blitt betre 🙂
Deling og sal er ikkje tillatt, så send heller linken til dei du vil dele med slik dei får kjøpt det sjølv 🙂
Vi bruker informasjonskapsler for å sikre at vi gir deg den beste opplevelsen på nettstedet vårt. Hvis du fortsetter å bruke denne siden, vil vi anta at du er fornøyd med det.OkPersonvernregler
Vurderinger
Det finnes ingen vurderinger enda